Rekursu Prevensaun Programa Nabilan Nian Folla Informativa 3: Aprosimasaun Lidera Liuhosi Komunidade Hodi Prevene Violénsia Hasoru Feto

Hanesan esplika tiha ona iha Folla Informativa 1, karakterístika ida hosi aprosimasaun efetivu hodi hapara violénsia hasoru feto no labarik mak katak aprosimasaun sira tenke lidera liuhosi komunidade; Rede kompleksu hosi norma sosiál sira eziste iha sosiedade hotu hotu, espesifikamente ho relasaun ba jéneru, aseitasaun ba violénsia no privasidade família nian (Heise, 2011). Nune'e, esensiál atu uza prosesu lidera-liuhosi-komunidade sira atu identifika komunidade sira-nia rede espesífiku nomós ba komunidade sira rasik atu dezenvolve aprosimasaun sira hodi hapara no troka fali norma hirak-ne'e.